Acordo da Federación Galega de Fútbol (28-05-08)

FEDERACIÓN GALEGA DE FUTBOL

Acordos adoptados polo Subcomite Regional de Competición de F.A e Xuvenil en reunión ordinaria celebrada o día 28-05-08.

FASE FINAL JUVENIL

Vistas as alegacións formuladas polo S.D. Xuventu Aguiño a segunda amonestación mostrada o xogador DIEGO FERNÁNDEZ VENTOSO, e comprobada a proba videografíca aportada por este clube, acordase:

Estimar as alegacións e deixar sin efecto a segunda amonestación mostrada o xogador DIEGO FERNÁNDEZ VENTOSO, ao mostrarse nitidamente que o xogador golpea o balón e non o contrario, na xogada obxecto da amonestación (Art. 77).

Entrevista (José Manuel Vilas Álvarez)

José Manuel Vilas Álvarez Presidente do Xuventú Aguiño

«Queremos ser un referente do fútbol base para toda la comarca»

O máximo dirixente realiza un balance da tempada máis brillante dun club ao que leva vinculado case toda a súa vida, 18 anos ao frente da nave de A Tasca

Leva toda unha vida vinculado ao Xuventú Aguiño. Seguidor do club dende neno, exerceu de xogador, adestrador e tamén colaborou nos traballos de construción do antigo campo de A Tasca: José Manuel Vilas Álvarez (Aguiño, 1960), que, ademais de ser un dos socios máis antigos, leva 18 anos como presidente da nave aguiñense, unha cifra que con toda seguridade constitúe unha marca na bisbarra da Barbanza e posiblemente fóra.

-Nas dúas últimas tempadas anunciara a súa intención en deixar o cargo, ¿este ano tamén o quere facer?

-Imos ver. Un relevo non viría mal. Pero este ano en principio non está previsto que se celebren eleccións á presidencia. Así pois, non estamos na mesma tesitura. Non obstante, a situación podería cambiar se no transcurso da asemblea de socios, alguén formula a cuestión de tomar o relevo. Entón, teriamos que abrir un proceso electoral.

-¿Pensa que existe tal posibilidade?

Non o sei. Pero de non ser así, espero que sigamos todos.

-¿Refírese a que pode marchar algún directivo?

Non o sei. Gustaríame que ninguén se fose, porque atopar un directivo é moi difícil.

-A teor dos resultados, parece que viviu a súa tempada máis exitosa, ¿como a valora vostede?

Como moi positiva, moi favorable para a entidade. Especialmente na categoría cadete, na que, aínda que non o esperabamos, logramos o ascenso á División de Honra. Isto é un mérito tremendo. Afrontaremos a próxima tempada coa máxima ilusión e o reto de manter a categoría. Con respecto aos xuvenís, a meta era alcanzar a liga galega, e estamos a un paso de logralo, aínda que temos baixas e lesións que minguan o potencial do equipo. En infantís, continuamos na competición galega.

-Hai unha mancha neste panorama tan brillante, ¿non?

Dilo polo descenso do equipo feminino, ¿non? En efecto. Pero isto víase vir. Dende que nos marcharon tres xogadoras para o Zaragoza, nunca máis volvemos atopar o equilibrio. Levabamos tres anos ao bordo do descenso.

-¿Terán o curso próximo máis apertos presupostarios?

Se seguimos contando co patrocinio da empresa Conresa como tivemos ata agora, creo que non teremos ningún problema. Ademais, os desprazamentos da División de Honra cadete non son máis longos que os da galega. E gastaremos menos co equipo feminino, o futuro da cal teremos que analizar e decidir.

-Entre os temas que lle preocupan, ¿cal poría en primeiro lugar?

Os gastos arbitrais. Nós quixésemos que se unificase o recibo ou cota. Por exemplo, cando o equipo feminino viaxaba a Ávila, o recibo era de 35 euros. En cambio, aquí, a nós saíanos por 156. É unha diferenza abismal. Isto mesmo pasa coas demais categorías.

-¿o seu proxecto xa está cumprido ou aínda lle falta algo?

Case. Fáltanos o ascenso dos xuvenís. Nós queremos ser un referente do fútbol base para toda a bisbarra. Neste sentido, estamos abertos a todos os rapaces e, aínda que sempre hai reticencias, tamén a todos os clubs. Ao respecto disto, quero, dende aquí, dar as grazas a todos os adestradores que traballan baixo a coordinación de Anxo Vidal.

-Parece que ten algunha novidade sobre o campo, ¿non é así?

Así é. O alcalde de Ribeira, José Luis Torres Colomer, acábamo de anunciar. A Deputación financiará o cambio de céspede, que se substituirá por outro de última xeración durante o verán

A liga galega xuvenil máis preto

Os de Leandro xogarán contra o Eirís de A Coruña o ascenso directo

Ten o Xuventú Aguiño a liga galega xuvenil máis preto. O equipo de Leandro clasificouse para a segunda rolda da promoción tras derrotar por un rotundo 3-0 ao Esteirana no segundo asalto da primeira (1-1, ida).

Esteirana: Ramón; Fran, Carlos, Roi (Óscar, min 65), Simón, Jano, Suízo, Uro (Andel, min 50), Pesco, Álex (Vidal, min 85) e Alberto.
Xuventú Aguiño: David (Juan, min 90); Torres (Joni, min 54), José Ángel Parada, Toño (José Ángel, min 65), Jorge, Micha, Diego, Pozas (Mini, min 80), Fernando (Aarón, min 59), Axel e Adrián.
Goles: 0-1, min 44: Adrián, tras rexeitar o meta Ramón unha falta lateral que botou Diego; 0-2, min 60: Diego, de remate raso moi afastado; 0-3, min 65: Aarón, tras un pase en profundidade e cruzar o balón ao outro lado do cancerbero local.
Incidencias: Partido de volta da primeira eliminatoria da fase de ascenso á liga galega xuvenil. Celebrouse no campo de A Salina, con boa entrada de afeccionados.

Aínda que no arranque do choque o Esteirana tivo o mando e gozou de tres boas oportunidades para abrir o marcador (especialmente un lanzamento que bateu nun poste), despois, e sobre todo ao regresar do recreo, o Xuventú Aguiño impuxo a súa maior calidade, o cal se traduciu no marcador cun claro 0-3. No tramo final do encontro, o cadro aguiñense defendeu con acerto a súa vantaxe malia que sufriu dúas expulsións: Jorge (min 70) e Adrián (min 85), ambos os dous por dobre amoestación.

O sábado, o elenco de Leandro recibirá a visita do Eirís. O conxunto de A Coruña vén de apear do torneo ao Nicrariense (2-1 e 2-2). O primeiro asalto da serie, da que o gañador dará o salto á categoría superior, celebrarase no campo de A Tasca, a partir das 18.00.

Outros resultados
Os outros resultados da primeira rolda foron estes: (4-0) Galicia Caranza-Laracha, 2-0; (1-3) Pol-Brexo Lema, 2-2; (6-1) Atlético Melide-Baio, 5-1; (1-0) Lugo B-Orillamar, 4-0; (0-3) Narón-Calo, 2-0; (2-2) Monterroso-San Marcos, 4-0.

Os emparellamentos de oitavos son: Galicia Caranza-Brexo Lema, Atlético Melide-Lugo B, Calo-Monterroso e Xuventú Aguiño-Eirís.

Como xa é coñecido, os gañadores subirán directamente e os perdedores loitarán entre eles polas outras dúas prazas habilitadas

Entrevista - Juan Vicente Cameán -

Entrevista

Un home «enganchado» o fútbol e tamén ao balonmano

Juan Vicente Cameán, técnico do Aguiño

Aínda que solo conte con 27 anos, Juan Vicente Cameán Parada (Ribeira, 1981) xa é un técnico experimentado. Enganchado ao mundo do fútbol dende neno, pronto asumiu a responsabilidade de dirixir equipos de categorías inferiores. Así, antes de facerse cargo dos cadetes do Xuventude Aguiño, ao que levou ata a División de Honra, un mérito que ninguén antes conquistara na área barbanzana, Juanvi dirixira aos infantís e cadetes do Carreira, os infantís do Palmeira e ao Oleiros, dende benxamins ata xuvenís.
Coñecía o sabor do triunfo. O ano anterior, ao leme do navío cadete B levou tres trofeos para as vitrinas da entidade que preside José Manuel Vilas: gañou a liga barbanzana, a Copa do Concello de Ribeira e a Copa do Sar. Pero admite que ningún deses tres galardóns lle produciu tanta alegría e satisfacción como conducir o seu equipo á División de Honra.
Conta con todos os pronunciamentos para continuar manexando os fíos técnicos do colectivo de A Tasca para o esixente curso próximo, «no que pretendemos armar un equipo para defender a permanencia nunha categoría de moito nivel e totalmente nova para nós».
O ascenso é tamén a culminación dunha grande tarefa de base na que o club aguiñense se envorcou e na cal logrou implicar un bo número de novos e entusiastas adestradores.
Juanvi é tamén xogador do elenco sénior de A Tasca. Pero ademais da súa enorme paixón polo balompié, ten outra querencia talvez menos coñecida: a súa afección ao balonmán. El formaba parte do grupo que chegou ata a menor das divisións nacionais. E aínda este ano xogou no Grupo Deportivo Ribeira: «Para o próximo curso teño pensado deixar esta actividade

Ascenso dos Cadetes a División de Honra cadete

O Aguiño, primeiro equipo de Barbanza que sobe á División de Honra cadete

Barbanza contará a próxima campaña cun representante na División de Honra da categoría cadete: o Xuventú Aguiño. O colectivo de A Tasca marcou un fito histórico no ámbito do balompé barbanzano, onde ata agora ninguén conseguira unha xesta semellante.

O equipo que dirixiu este curso Juan Vicente Cameán logrou o salto á categoría galega da man de Anxo Vidal, quen tamén estivera á fronte do mesmo grupo na competición infantil.
Durante todo o campionato o colectivo de Juanvi estivo na pelexa dos que aspiraban a acomodarse no vagón que marchaba detrás do máximo aspirante ao título: o Deportivo B.
Finalmente, na última xornada, cando endosou ao Cidade de Santiago un contundente 6-1 confirmou o seu ansiado ascenso.

Os xogadores que dunha ou outra forman protagonizaron a fazaña foron: os metas: Juan e Chile, os defensas Manu, Martin, Miguel, Mario, Iago, Luis e Diego; os medios Roberto, José Ángel, Martís, Cascallar, Pulgui, Dani e Andrea Carid, e os dianteiros Piru, Jorge, Luis, Teken, Saviola e Dani.

Denis Cascallar foi o máximo realizador.

O Xuventú Aguiño xogase en campo do Val do Ulla a súa continuidade na Liga Nacional femenina

O Xuventú Aguiño xogase en campo do Val do Ulla a súa continuidade na Liga Nacional feminina

A Liga Nacional de fútbol feminino bota o peche. Á última xornada chega o Xuventú Aguiño sen amarrar a permanencia. O elenco de Andrés Monteagudo xoga hoxe (12.00 horas) a súa continuidade na competición no feudo dun Val do Ulla que tamén se atopa na mesma tesitura. As ribeirenses contabilizan un punto máis que os seus opoñentes (19-18).

Aínda que sabe que un empate, como na primeira volta (2-2), sería suficiente para eludir o descenso, o adestrador das aguiñenses destacou que sairán a gañar: «Queremos os tres puntos. Non imos especular, porque entón un rexeite ou calquera erro podería pasarnos unha un factura indesexable ou que poideramos lamentar ao longo de moito tempo. Non podemos seguir xogando co lume», subliñou.

As futbolistas que o adestrador convocou son as seguintes: as metas Pau e Andrea, Yara, Mus, Tere, Susú, Mon, Carmen, Ceci, Alitas, Pris, Evita, Andrea Carid e Eva.